„Apple“ најверојатно следната година ќе претстави два нови „iPhone“ уреди со „OLED“ екрани и еден со „LCD“ екран.
„iPhone X“, кој се најде во продажба овој месец, е првиот „iPhone“ кој користи „OLED“ технологија. Оваа технологија овозможува побогати бои и помалку троши енергија.
Еден од паметните телефони би требало да има 5,8-инчен „OLED“ екран, кој го поседува и актуелниот „iPhone X“, но другиот ќе има поголе, 6,5-инчен екран. „Apple“ моментално го продава „Plus“ модели од „iPhone 8“ со слични компоненти во однос на стандардните, но со поголеми екрани.
Идните уреди исто така ќе бидат слични на актуелниот „iPhone X“. Системот на камери на „Apple“, „True Depth“, кој се користи за препознавање на лица, ќе биде сличен на годинешниот дизајн, „Apple“ би можел да понуди и модел со 512 GB интерна меморија.
Ананлитичарите веруваат дека задната камера на идните „iPhone“ уреди нема да имаат способност за „3D“.
Третиот смартфон ќе има ист „edge-to-edge“ дизајн како и „iPhone X“, но ќе добие поевтин „LCD“ екран. Поевтиниот „iPhone“ ќе го користи системот за препознавање на лица на „Apple“, па своето место ќе го пронајде во „средниот сегмент“, што значи дека ќе чини помеѓу 650 и 900 долари. Токму овој модел ќе има една задна камера, а ќе му недостига технологијата „Force Touch“.
Аналитичарите своите тврдења ги базираат на информации кои ги добиле од извори од добавувачите на „Apple“.
