Македонската филхармонија со концерт ќе го прослави 73. роденден.
Концертот ќе се одржи на 24 ноември (петок) во 20 часот, на кој ќе бидат изведени композициите: Прелудиум за оркестар бр. 2 од македонскиот композитор Панде Шахов, Концертот за виолина и оркестар бр. 1 од Карл Голдмарк, на кој како солист ќе се претстави нашиот истакнат виолинист Љубиша Кировски, и симфониската поема „Американец во Париз“ од Џорџ Гершвин. Со оркестарот ќе раководи маестро Борјан Цанев.
