По се изгледа дека аферата со манипулација на вредностите на емисиите кај дизел моторите ќе го прогонува и автомобилскиот концерн Daimler со седиште во Штутгарт.
Службеници на провинциското обвинителство во Штутгарт пребарале неколку фабрики на „Daimler“ поради загриженоста за наводни манипулации, соопшти компанијата.
Со оглед дека тече проверка од концернот не даваат повеќе детали, а појаснуваат дека соработуваат целосно со властите.
Уште во март стана јасно дека обвинителството води слична истрага. Таа е насочена против „познати и непознати вработени на „Daimler AG“’ поради сомневање за измама и казниво рекламирање во врска со можни манипулации на издувните гасови при последователната обработка на дизел автомобилите“. Од „Daimler“ ги отфрлаат обвинувањата.
