Хрватскиот репрезентативец Дејан Ловерен, денес го продолжил договорот со Ливерпул до 2021 година, објави клубот на својата интернет страница.
Дејан Ловрен (27) во Ливерпул пристигна во 2014 година од Саутемптон. За тимот од „Енфилд“ има одиграно 105 натпревари и постигнато четири гола, од кои два во оваа сезона.
„Мислам дека сум најсреќниот човек во светот, го остварив сонот. Секогаш сонував да останам долго во клубот кој го сакам, а тој клуб е Ливерпул“, рекол Ловрен.
Ливерпул не ги објави финансиските детали од новиот договор на Ловрен.
