Како дел од напорите за прераспределба на кандидатите за азил што пристигнале во најзасегнатите земји од Европската унија, членките кои земаат помалку бегалци, може да бидат казнети односно да платат одредени износи, пишува германскиот национален дневен весник Фракфуртер Алгемајне Цајтунг.
Предлогот доаѓа од Малта, која во моментов претседава со Советот на ЕУ и предвидува државите, кои примиле помал број од предвитените кандидати за азил да платат по 60 илјади евра по човек, за период од пет години.
Инаку, земјите кои земаат повеќе мигранти, треба да бидат компензирани, се истакнува во информацијата на весникот.