Традиционално во пресрет на автосаемот во Њујорк беа прогласени победниците на конкурсот „Светски автомобил на годината“. Победник на конкурсот е кросоверот „Jaguar F-Pace“ кој освои награда и во категоријата „Најдобар дизајн“.
За титулата „Автомобил на година во светот“, „Jaguar F-Pace“ се избори со другите два теренеци – „Audi Q5“ и „Volkswagen Tiguan“. Во категоријата за „Најдобар дизајн“, британскиот модел ги претекна кабриолетот „Mercedes-Benz S-Class“ и кросоверот „Toyota C-HR“.
За „Најдобар градски автомобил“ беше избран електричниот „BMW i3“.
Во категоријата за „Најдобар луксузен автомобил“, првото место го освои „Mercedes-Benz E-Class“, кој во конечното гласање успеа да ги победи „BMW Series 5“ и „Volvo S90/V90“.
Победник кај „спортските автомобили“ е „Porsche 718 Boxster/Cayman“, кој успеа да освои повеќе гласови од „McLaren 570S“ и „Audi R8 Spyder“.
Првото место во категоријата за „Најдобар еколошки автомобил“ е за „Toyota Prius Prime“.
Победник во претходниот конкурс „Светски автомобил на годината“ стана роудстерот „Mazda MX-5“, кој успеа да го претекне „Audi A4“, „Mercedes-Benz GLC“, „Cadillac CT6“, „Mazda CX-3“, „Jaguar Хах“ и „Land Rover Discovery Sport“.
