Дали започнавте со размислувањата каде би сакале да го поминете наредниот годишен одмор? Доколку евентуално сакате да ја посетите Шпанија, знајте дека Балеарскиот остров на Мајорка е идеална дестинација.
Во срцето на овој рај се наоѓа Jumeirah Port Soller Hotel & Spa, фантастично место кое е сместено во ридестото опкружување на брегот на Мајорка, па ќе имате комплетна авантура благодарение на идеалното опкружување во чии рамки е сместен хотелот.
Нудејќи одличен поглед кон морето, неверојатните видиковци и прекрасните ентериери, ова место ќе се покаже како идеална база за оние кои сакаат да му се восхитуваат, како на Средоземното море, така и на прекрасниот Sera de Tramuntana планински венец. Но, ајде да се фокусираме на сета убавина на Jumeirah Port Soller хотелот.
Луксузниот хотел ќе ве маѓепса со своите соби, а ги има вкупно 121, при што повеќето од половината сместувачки капацитет нуди поглед на море. Ќе го доживеете класичниот шпански стилски шмек во внатрешноста на хотелот кој е комбинација од едноставност и елеганција.
Хотелот поседува олимписки базен со бар кој е лоциран на највисоката точка од хотелот, па е воедно и идеално место за набљудување на заоѓањето на сонцето.
Врвно опремениот фитнес центар и СПА исто така ви се на располагање кога ќе посакате, а наша препорака е да го опосетите и Port Sóller, малото рибарско место, што дополнително ќе ја заокружи приказната за фантастичниот одмор на шпанскиот остров.