Новиот американски претседател Доналд Трамп веројатно е добар за американската економија краткорочно, но зголемувањето на каматните стапки и јакнењето на доларот ќе биде предизвик за глобалната трговија, оцени директорката на Меѓународниот монетарен фонд(ММФ) Кристин Лагард.
Таа рече дека плановите на Трамп за дополнително инвестирање во американската инфраструктура и неговата најавена даночна реформа ќе го поттикнат економското богатство на САД.
Сепак, Лагард призна дека политиката на Трамп веројатно ќе ги притисне светските берзи.
„Тоа е притисок што ќе биде тежок за глобалната економија и за кој економиите треба да се подготват“, порача Лагард на самит во Дубаи.