Довербата на малите компании во Велика Британија се врати на нивото од пред референдумот за излез на земјата од Европската унија (ЕУ). Поевтинувањето на фунтата сепак ги зголемува трошоците и го стеснува профитот, покажува истражувањето на Федерацијата на малите бизниси.
Индексот на федерацијата се врати на позитивна територија до 8,5 процентни поени во последниот квартал од 2016-та година. Претходните три месеци вредноста на мерачот беше -2,9%. Во почетокот на минатата година, пред мнозинството Британци да го поддржат „Brexit“, индексот беше на ниво од 8,6 поени.
„Радосни сме да видиме дека довербата е одбиена во крајот на 2016-та година, практично е компензиран целиот пад остварен во текот на годината – непосредно пред и по референдумот“, коментира Мајк Черни, национален претседател на федерацијата.
„Сегашните економски перспективи изгледаат светли. Малите британски компании се амбициозни и сакаат да ја извлечат најголемата можна корист од тоа. Малите извознички продолжуваат со моќниот подем, бидејќи британските стоки и услуги стануваат поконкурентни во странство, така што компаниите бараат нови пазари и нови клиенти“, додава тој.
Федерацијата посочува дека иако индексот за довербата е на позитивна територија и иако има области со силно претставување, профитот се намалува веќе втор квартал.
Покрај тоа, авторите на извештајот истакнуваат дека ставовите меѓу малиот бизнис и во Лондон, и во Шкотска остануваат на негативна територија.
„И покрај целокупната подобра слика членовите се уште се соочуваат со многу предизвици, бидејќи зголемувањето на трошоците уште повеќе маржи на профит“, коментира Мајк Черни.