Изданието „Carscoops“ објави слики од втората генерација на хечбекот и караванот „Opel Insignia“. Двата автомобила во модификацијата „OPC Line“ биле фотографирани за време на спроведувањето на официјалната фотосесија.
Од нив, станува јасно дека втората генерација на „Insignia“ ќе биде целосно во стилот на концептниот модел „Opel Monza“, а е изграден на целосно нова платформа. Автомобилот ќе биде со 55 мм поширок од претходникот, а растојанието помеѓу двете оски ќе се зголеми за 92 мм. Новата шасија ќе му овозможи на автомобилот да намали 175 килограми од тежината.
Модификацијата „OPC Line“ прикажана на фотографиите, се одликува со поагресивен дизајн, спуштена суспензија, 20-инчни тркала од лесна легура, а исто така и механизам за сопирање „Brembo“.
Премиерата на новата „Insignia“ ќе се одржи за време на автосаемот во Женева во март 2017-та година. Хечбекот ќе се нарекува „Grand Sport“, додека караванот ќе го задржи досегашното „Sports Tourer“, а неговата теренска верзија ќе го добие називот „Country Tourer“.