Во недела завршува летното сметање на времето и стрелките на часовникот се поместуваат еден час наназад, соопштуваат од Бирото за метрологија на Република Македонија.
„Летното сметање на времето во 2016 година се завршува на 30 октомври во 03h 00 min 00 s, така што со поместување за еден час наназад времето во 03h 00 min 00 s смета како 02h 00 min 00 s“, се вели во соопштението.
Одлуката за денот и моментот на воведување и денот и моментот на завршувањето на летното сметање на времето во 2016 година е објавена во Службен весник.
