Владата на Јапонија предупредува дека ако Велика Британија излезе од составот на ЕУ, тогаш централите на јапонските компании кои се наоѓаат во земјата, ќе бидат повлечени, пренесе „БиБиСи“.
Во извештај на јапонското МНР пишува дека тоа може да се случи, ако законите на ЕУ престанат да се применуваат врз Велика Британија. Во Извештајот се повикува владата на земјата „да се однесува одговорно“.
Околу 140.000 Британци работат во јапонски компании.
Владата го има добиено текстот на извештајот на почетокот на неделата. Таму пишува дека „јапонските компании со европски централи во Велика Британија може да одлучат да се преселат во Континентална Европа, ако законите на ЕУ престанат да важат на територијата на Велика Британија“.