Компанијата „Audi“ претстави специјална верзија на „набилдан“ кросовер „RS Q3“, која се нарекува „Рerformance“.
Кај неа моќноста на 2.5-литарскиот турбомотор е зголемена од 340 на 367 КС. Според овој показател возилото се изедначува со „Audi RS3“ кој до обновувањето на „Mercedes-Benz A45 AMG“ ја носеше титулата „најмоќниот хот-хеч на планетата“.
На изглед верзијата „Рerformance“ се разликува по алуминиумските елементи на каросеријата, кои кај стандардниот „RS Q3“ се хромирани. Покрај тоа кросоверот добил 20-инчни бандажи и посебна боја „Ascari“, која е достапна само за оваа модификација.
Моторот се комбинира со 7-степен автоматски менувач. Забрзувањето од 0 до 100 km/h трае 4,4 секунди, што е за 0,4 секунди побрзо од вообичаениот „RS Q3“. Покрај тоа ограничувачот на брзината е преместен од 250 на 270 км/ч.
Премиерата на „Audi RS Q3 Рerformance“ ќе се одржи на автосаемот во Женева на почетокот на март. Во Германија веќе се примаат нарачки за возилото, а цените стартуваат од 61.000 евра – за 6.000 евра повеќе од стандардниот модел.
