„Windows Phone“ e уникатна платформа, но токму тоа е една од причините за недостаток на некои функционалности кои корисниците на другите платформи ги земаат здраво за готово.
Еден таков пример се фолдерите на почетниот екран кои имаат смисла за групирање на иконите на пример на „iOS“, но се поставува прашањето дали таа функционалност има смисла за концептот т.н. „живи плочки“ на „WP“.
Но, како што корисниците бараат, се чини дека „Microsoft“ ги слуша. Според упатствата за крајните корисници кои се појавија во јавноста, фолдерите пристигнуваат и на „Windows Phone“.
Тие ќе се креираат како и на останатите платформи, така што една икона ќе се постави над другите, а ќе биде поддржано и именувањето на фолдерите. Исто така, во упатствата стои дека за функционалноста е потребно надоградување на „Windows Phone 8.1“ кое се очекува кон крајот на летото.
Веќе сега постојат неофицијални имплементации на овие барани функционалности за „Windows Phone“, a свои решенија имаат „Nokia“ и „Samsung“.
