,,Соседи за соседи”– Иницијатива на ПроКредит Банките во регионот
Денес, ПроКредит Банките во Бугарија, Косово, Македонија и Албанија како и Банките во Босна и Херцеговина и Србија отворија посебен фонд и донираа вкупно 550,000 евра за помош на засегнатите региони. Овие средства ќе бидат пренасочени преку иницијативата на 6-те банки под име ,,Соседи за соседи”.
ПроКредит Банките во Босна и Херцеговина и Србија ќе ги дистрибуираат донираните средства за засегнатите региони – во форма на хуманитарна помош: лекови и средства за хигиена, вода и храна, опрема за помош и други потребни нешта.
“Важно е помошта да стигне што е можно побрзо и да е во најпрактична форма. Затоа и започнавме неколку иницијативи. Финансиска помош за настраданите региони е само една од тие иницијативи”, вели Светлана Толмачева, Претседател на Управниот одбор на ПроКредит Банка, Србија.
“Се надеваме дека потребната помош брзо ќе стигне до оние на кои им е најпотребна. Им благодариме на ПроКредит банките за разбирањето на потребите на луѓето кои претрпеа големи загуби. Приоритетно е да се фокусираме на недостатокот на лекови и медицински средства”, изјави Един Хрњица, член на Управен одбор на ПроКредит Банка Босна и Херцеговина.
“ПроКредит Банка Македонија е вклучена во оваа иницијатива ,,Соседи за соседи,, не само како институција, туку и со вработените. Солидарност и реакција на време е најважна во овој момент”, – изјави Јованка Јолеска Поповска, Генерален директор на ПроКредит Банка, Македонија.
