Групацијата Триглав ќе исплати дивиденда во износ од 1,10 евра по акција, предвидува нацрт резлуцијата на Генералното собрание на акционери, а која ја одобри надзорниот одбор.
Предложената дивиденда, како што соопштуваат од компанијата, е во согласност со политиката за дивиденди на Заваровалница Триглав, што е заснована на целната адекватност на капиталот.
Дивидендата ќе се исплаќа на акционерите што се наоѓаат на регистарот на акционери и тоа два дена по датумот на одржување на Генералното собрание на акционери, а во рок од 30 дена од датумот на донесување на предложената резолуција. За распределбата на преостанатиот дел од акумулираната добивка во износ од 52.817.506,71 евра ќе се одлучува во претстојните години.
Надзорниот одбор го назначи Андреј Слапар, сегашниот претседател на УО за уште еден мандат од пет години.
