Русија ќе ги сервисира своите обврски за надворешниот долг во рубљи, доколку САД ги блокира другите опции, и нема да ги наплати обврските, изјави министерот за финансии Антон Силуанов.
Вашингтон ја разгледува можноста за блокирање на способноста на Русија да ги плаќа американските сопственици на обврзници со тоа што ќе дозволи клучниот исклучок да истече на 25-ти мај, што би можело да ја доближи Москва до неплаќање.
Москва мора да изврши нова исплата на еврообврзниците на 27-ми мај.
„Нема да прогласиме неисполнување на обврските, имаме пари, освен ако западните земји не овозможат сервисирање на нашите долгови“, рече Силуанов. „Ќе можеме да платиме и ќе им плаќаме на странците во рубљи како последно средство доколку западната (финансиска) инфраструктура ни биде затворена“, додаде министерот.
Западните санкции против Русија забрануваат трансакции со руското министерство за финансии, централната банка или државниот фонд на Русија.
Пресудата на САД издадена од Канцеларијата за контрола на странски средства на Министерството за финансии на 2-ри март дава исклучок за целите на „примање камата, дивиденди или исплати на доспевање поврзани со долг или акции“.
Ова и овозможи на Москва да продолжи да им плаќа на инвеститорите и да го избегне неисполнувањето на државниот долг, како и американските инвеститори да продолжат да ги собираат наплатите.
Сепак, по истекот на ослободувањето на 25-ти мај, Русија сè уште ќе има надворешни плаќања за нејзиниот јавен долг од речиси 2 милијарди долари пред крајот на годината.
Силуанов очекува руската економија да падне, но не толку силно како што може да се очекува за санкционирана земја поради владините мерки.
„Да, ќе има пад на економијата, да, секако, нашата економија не може, а да не биде засегната од сите ограничувања, но не до степен до кој можеше да биде доколку Владата не преземеше мерки за поддршка на економијата“, коментира министерот за финансии.
Според него, „првиот шок“ за Русија веќе поминал и земјата се подготвува за следните санкции.
Потсетуваме дека од почетокот на мај ЕУ разговараше за шестиот пакет рестрикции против Русија, кој ќе вклучува ембарго на нафта. Продажбата на нафта и нафтени деривати е еден од значајните извори на средства за рускиот буџет.
Според проценките на Министерството за регионален развој, падот на бруто домашниот производ (БДП) на Русија оваа година ќе биде во рамките на 7,8%, а во 2023-та година земјата во голема мера ќе го достигне ова намалување и ќе забележи намалување на економијата од околу 0,7 отсто.
