Според информациите кои се појавија во германските медиуми кога ќе се појави во продажба суперштедливиот модел „Volkswagen XL1“ ќе се продава по неверојатна цена од 111.000 евра.
Овој модел го карактеризира револуционерен дизајн и досега невидена економичност за потрошувачката на гориво која изнесува 0.9L/100km. Моментално се направени 50 единици од овој модел, а во текот на пролетта следната година во план се да се направат уште 200 примероци.
Тоа ќе биде вкупната количина која ќе биде произведена од моделот „XL1“, затоа што овој модел не е дизајниран како сериско возило за масовно производство, туку како демонстрација на можностите кои „Volkswagen“ може и планира да ги понуди.