Тајвански развивач на технологија „Taiwan Semiconductor Manufacturing Co.“ (TSMC) планира да изгради напредна фабрика во јужен Тајван, како дел од нејзината стратегија за проширување од 100 милијарди долари. Така, производителот на полупроводници се обидува да се справи со невидениот глобален недостаток на чипови, според „Nikkei Asia Review“.
Планираната фабрика ќе биде изградена во Гјаоксинг, домот на „ASE Technology Holding“, најголемиот снабдувач на чипови во светот, според извори запознаени со оваа работа.
На овој начин, „TSMC“ ќе воспостави присуство во индустрискиот пристанишен град. Еден од клучните добавувачи на хемикалии на „TSMC“, „Entegris“, веќе направи голема инвестиција токму во тој град.
Тајванската влада ја зголемува својата посветеност да обезбеди дополнителен производствен капацитет на „TSMC“ на нејзино земјиште. Постигнувањето конкурентна индустрија за полупроводници не е само од витално значење за економскиот раст на островот, туку исто така додава сигурност и стратешка предност во однос на регионалните конкуренти.
Планираната фабрика ќе произведува чипови од 7 нанометри и 6 нанометри, кои во моментов се користат за производство на напредни мобилни процесори, компјутерски и графички процесори на „Nvidia“, „AMD“ и „MediaTek“.
Во моментов, најнапредната технологија за производство на чипови произведува производи од 5 нанометри кои се користат во процесорите на „iPhone 12“ и очекуваниот „iPhone 13“.
Во моментов, најнапредното производство на чипови во индустријата е технологијата од 5 нанометри што се користи за изградба на мобилни процесори за „iPhone 12“ на „Apple“ и претстојниот „iPhone 13“. Колку се помали нанометрите, ширината помеѓу транзисторите, понапредни и помоќни се чиповите.
Изградбата на новиот објект ќе започне веќе следната година, додаваат изворите, иако фабриката ќе биде пуштена во употреба најрано во 2023-та година или 2024-та година.
Овој потег е дел од досега најголемата експанзија на „TSMC“, која вклучува инвестиција од 100 милијарди долари во текот на три години до 2023-та година за проширување на производствениот капацитет.
Компанијата неодамна го доби конечното регулаторно одобрение за изградба на фабрика за чипови во тајванскиот град Хсинчу. Покрај тоа, „TSMC“ ги завршува преговорите за својата прва фабрика за чипови во Јапонија.
Фабриката во Гјаоксинг треба да го задоволи очекуваното зголемување на побарувачката од „Intel“, како и зголемената побарувачка од новите купувачи на чипови како што се „Tesla“, „Google“ и „Amazon“.
Најзначајниот центар за производство на чипови од 7 нанометри на „TSMC“ во моментов се наоѓа во тајванскиот град
Во моментов, најважниот производствен центар на „TSMC“ од 7 nm е во централниот тајвански град Таичунг. Производителот на чипови продолжува да додава нова опрема во објектот, но слободниот простор се намалува, велат извори за „Nikkei“. Плановите за изградба на најсовремена фабрика за чипови во Тајван може да се оцени како олеснување за тајванската влада и земјите партнери, како што се Соединетите држави и Европската унија (ЕУ), чии автомобилски индустрии страдаат од недостаток на полупроводници.
