Холандскиот пивски концерн Heineken, кој во Pivovarna Laško поседува 53,43 отсто од акциите, објави во вторникот понуда за преземање на сите акции на Pivovarna Laško, по цена од 25,56 евра по акција.
Heineken 53,43 отсто од акциите во презадолжената словенечка индустрија на пиво и минерални води, која има удел во пивниците Union и Laško, го купи во април годинава од банките, парадржавните фондови и повеќе осигурителни компании, а за тоа плати 119,5 милиони евра.
Heineken веќе ги отплати и старите долгови на Pivovarna Laško кон банките во износ од 185 милиони евра и најави спојување на пивницата Laško и пивницата Union во обединета компанија под називот Pivovarna Laško Union, со седиште во Љубљана.
Heineken најави дека нема да ги укинува афирмираните домашни марки на пиво Union и Laško, кои и натаму се присутни на словенечкиот пазар.
