Неочекувано „Raiffeisen Bank International“ (RBI) забележа добивка во третиот квартал и предвиде слична презентација за целата 2015-та година, бидејќи голем дел од планираните расходи по реструктуирањето ќе бидат земени догодина, пишува „Ројтерс“.
Австриската банка доби 90 милиони евра во периодот јули-септември, иако направи трошоци во износ од 75 милиони евра во Хрватска поради конверзијата на кредитите деноминирани во швајцарски франци, во евра, и изврши оштета во Полска за 96 милиони евра.
Аналитичарите очекуваа загуба од 43,7 милиони евра за деветте месеци од 2015-та година. „RBI“ предвиде 67% годишен раст на нето добивката до 432 милиони евра. Консолидираната добивка на австриската банка за извештајниот период достигна 378 милиони евра, што претставува зголемување од 68%, или за 152 милиони евра.
„Бизнис развојот во деветте месеци од оваа година беше подобра од очекуваното покрај значителните негативни еднократни ефекти во третиот квартал. Трошоците за реструктуирање за оваа година ќе бидат пониски од првичните очекувања и поради оваа причина ја менуваме прогнозата за годината, така што предвидуваме мала консолидирана добивка за 2015-та година“, коментира извршниот директор на „RBI“, Карл Севелда, цитиран од прес-службата на банката.
Тој изрази задоволство од добрите резултати во Централна Европа и од „ќерка“ банка во Русија, која повторно постигна стабилен резултат и покрај тешката економска средина.
„Во последниве месеци во Украина ја проценуваме стабилизацијата. И покрај овие, како целина, добри случувања, продолжуваме со интензивната работа во спроведувањето на нашата стратегиска програма“, коментира Карл Севелда.
„RBI“ ќе забележи трошоци за реструктуирање во износ од околу 100 милиони евра за цела година, а друг дел од нив ќе биде пресметани во 2016-та година.
Во деветте месеци нето каматниот приход опаѓа за 14% на годишно ниво до 2,4 милијарди евра. Најмногу поради валутните движења нето каматниот приход се намалува за 133 милиони евра во Русија и со 81 милиони евра во Украина. Проблематичните кредити во Азија влијаат негативно влијание врз нето каматниот приход со 49 милиони евра. Показателот се намалува и во Полска – со 49 милиони евра поради континуираната средина на ниски камати.
Во споредба со истиот период минатата година, општите административни трошоци се намалуваат со 194 милиони евра до 2,1 милијарди евра. Сепак односот трошоци/приходи се зголемува со 1,9 процентни поени до 57,4% заради понискиот нето каматен приход.
Уделот на нефункционални кредити во „RBI“ расте со 0,8 процентни поени во споредба со крајот на 2014-та година до 12,1%.
Општите административни трошоци на банката пак се намалуваат за 8,5% на годишна основа до 2,1 милијарди евра при 2,2 милијарди евра, регистрирани во деветте месеци од 2014-та година.
