Францускиот производител на автомобили Рено поднесе барање да го преземе брендот „Москвич“, со цел да го оживее производството на легендарниот автомобил од советската ера.
„Поднесовме барање до „Роспатент“, руска агенција надлежна за интелектуална сопственост“, изјави неименуван портпарол на Рено, не изнесувајќи други детали.
Фабриката за автомобили во Москва, основана во 1930-та година почна да го произведува познатиот „Москвич 400“ во 1947-ма година.
Оваа фабрика подоцна стана еден од најголемите производители на автомобили во Советскиот сојуз со четири милиони „Москвичи“ произведени кон крајот на 80-сетите години.
По распадот на Советскиот сојуз, фабриката во 2001-ва година престана со производство, во 2006-та година прогласи стечај, а година дена подоцна и ликвидација.