Кога минатата недела, американскиот технолошки концерн „Hewlett-Packard“ објави дека има намера да намали меѓу 28.000 и 33.000 oд своите вработени, или околу 10% од целиот персонал, „Fortune“ магазинот го спореди ова со „мал град“.
Овие кратенки се дел од „сиромаштијата“, кои според главниот извршен директор на концернот Мег Витман се потребни откако компанијата планира да се раздели од 1-ви ноември на две. Бизнисот со персонални компјутери, принтери и хардвер ќе се оддели од овој за корпоративните услуги, за да се остави можност за поголем раст на поединечните единици.
Без разлика на образложението, не може да се негира фактот дека очекуваните намалувања се огромни, слични на претходните кратенки кои компанијата веќе ги презеде. Земајќи ги предвид последните кратенки компанијата ќе укине од 83.000 до 88.000 работни места, откако Витман го презеде кормилото во 2011-та година.
Витман е дел од тимот на „HP“ од 2011-та година и оттогаш компанијата ја реализира големата програма за отпуштања. Во 2012-та година компанијата ги објави плановите да скрати 25.000 места, а потоа се прошири во опсегот на реконструкција до 55 илјади. Во август годинава пак Кетрин Лежак, финансиски директор на компанијата, изјави дека ќе треба да бидат отпуштени уште 5% од вработените.
Но, и покрај опсегот на отпуштањата потегот на „HP“ не е најголемиот. Според податоците на „Challenger, Gray & Christmas“ во последните две децении други концерни ја водат оваа негативна оценка.
