Американскиот технолошки гигант „Microsoft“ ќе го префли својот нов оперативен систем „Windows 10“ на корисниците на персонални компјутери, иако тие за тоа не поднеле барање.
Тоа покажува колку на „Microsoft“ му е навистина важно корисниците на постарите верзии на „Windows“ да преминат на новата.
Досега 75 милиони луѓе, корисници на претходните верзии на оперативниот систем „Microsoft“, „седмица“ и „осмица“, бесплатно преминаа на „Windows 10“, така што претходно испратиле барање за тоа.
„Microsoft“ ги вчитува фајловите од новиот систем на компјутерите на корисниците преку „Windows Update“, своите услуги за ажурирање на „Windows“ компоненти. Трансферот ќе биде направен за сите корисници на „PC“ уреди кои избрале да добијат автоматско ажурирање од „Microsoft“.
„Microsoft“ за „The Inquirer“ ги потврди зборовите за вистиноста на информациите.
„Поединци кои ќе изберат да добијат автоматско ажурирање преку „Windows Update“, ние им помагаме да се подготват за превземање на „Windows 10“ така што ги префрлуваме сите фајлови кои им се потребни доколку одлучат да преминат на новиот оперативен систем“, вели претставник на „Microsoft“.
Инаку, кога станува збор за „Windows 7“ и „Windows 8“ поединците кои ќе изберат да добијат автоматско ажурирање преку „Windows Update“ се во суштина сите.
Затоа, ако експицитно не изберете да ги исклучите сите „Windows“ ажурирања, зад вашиот грб ќе се одвива „тивко“ превземање.
Доколку сакате да го исклучите автоматското ажурирање, одете на C:\$windows.~BT.
Станува збор за скриен фолдер, па треба да отворите „File Explorer“ и да изберете „Organize“ > „FolderOptions“ > „View“ > „Show hidden files“, „folders“, and „drives“.
