Магнатот Руперт Мурдок создаде компанија за управување на медиумските производи на американското „Национално географско општество“ во зделка за 725 милиони долари, објави „Њујорк тајмс“.
Основана во 1888-та година Општеството за истражување и компанијата „21st Century Fox“ регистрираат заедничко компанија „National Geographic Partners“, што ќе управува со светски познатото списание „National Geographic“ и други печатени публикации, телевизиските канали, студиа, дигитални медиуми, издавање на картички, детски медиуми и друго.
Во компанијата која ги презема овие средства, 73% удел ќе има „21 Century Fox“, а останатите 27% се на „Националното географска општество“ на САД, чиј извршен директор Хари Нел станува претседател на одборот на „National Geographic Partners“. Извршен директор ќе биде Деклан Мур, кој е со 20-годишна кариера во „Националното географско општество“. Сузан Голдберг ја задржува функцијата на главен уредник на списанието. Двата акционери ќе имаат рамноправно претставување во одборот и еднаков удел во управувањето.
„Националното географско општество“ продолжува да работи како непрофитна организација, поддржана од средствата на „21 Century Fox“, кои ќе ги интензивираат инвестициите во науката и истражувањето.
Зделката покрена прашања за врската помеѓу научната институција и комерцијалната компанија на Руперт Мурдок, кој јавно изјавувал дека се однесува скептично кон тврдењата за вештачки климатски промени и дека многумина експерти раскажуваат по конференциите „бескрајни измислици“.
Во одговор Хари Нел истакнува дека веќе 18 години има партнерство меѓу „21 Century Fox“ и „National Geographic Channels“ и цело тоа време немало „никаков вид политичка или уредувачката интервенција“ од луѓето на Мардок. Каналите на „National Geographic“ достигнуваат речиси 500 милиони гледачи во над 170 држави.