„LG“ на јавноста и го претстави својот музички сервис наменет за одредени „high-end“ модели од нивните смартфони кој ќе биде достапен во 70 земји во светот.
Новиот музички сервис на „LG“ не е класичен сервис за стримување на музика како оние кои се популарни во последно време, туку станува збор за превземање на датотека која нуди високо квалитетен звук на соодветните смартфони.
Споменатиот квалитет на звук е околу шест пати подобар од квалитетот на звукот кој го даваат класичните „CD“; квалитетот на репродукција на датотеката изнесува 24 bit/192kHz.
Услугата ќе биде достапна на уредите „LG G2“, „LG G Flex 2“, „LG G3“ и „LG G4“. Корисниците кои ќе се претплатат на услугата на „LG“ добиваат две „Hi-Fi“ песни месечно целосно бесплатно и дополнителен попуст од 50% за купување песни.
Засега се уште не е познато кога точно сервисот ќе биде достапен за корисниците и по која цена.
