Од фармацевтската компанија „Shire“ соопштија дека планира да го купат конкурентот „Baxalta“ за 30 милијарди долари во акции, објавувајќи ги јавно намерите да се создаде глобален лидер во развојот на лекови за ретки болести, пренесува „CNBC“.
„Shire“ ја проценува една акција на „Baxalta“ на цена од 45,23 долари. Компанијата со седиште во Илиноис е фокусирана на лековите во сферата на хематологијата и имунологијата, како и врз технолошките платформи, како на пример генската терапија.
Понудата со акции, која е за 36% повеќе од сегашната цена на „Baxalta“ на берзата во Њујорк од понеделникот, ќе им даде на акционерите на компанијата околу 37 отсто од целата нова групација.
Главниот извршен директор на „Shire“, Флеминг Орнсков изјави дека компанијата упатила предлог уште во минатиот месец, но Бордот на директори на „Baxalta“ одбил да расправа за понудата.
„Веруваме дека предложеното комбинирање на „Shire“ и „Baxalta“ ќе биде стратешки и финансиски привлечно и за двете компании, забрзување на нашите амбиции за раст и создавајќи водечка светска биотехнолошка компанија за ретки болести“, рече тој.
„Наша голема предност е склучување на договорот веднаш, за да се запознае целосниот потенцијал на предложената комбинација и да се финализираат условите за договор“, додаде Орнсков.
Акциите на „Shire“ на берзата во Њујорк се тргуваа по 261.70 долари за готово кон крајот на седницата во понеделникот, додека акцијата на компанијата во Лондон по цена од 5.577,50 фунти.
Во меѓувреме менаџерите на „Baxalta“ ја отфрлија понудата, но од „Shire“ тврдат дека ќе продолжат да се стремат кон договор.
