„Luigi Lavazza“ упати понуда за купување на брендот кафе „Carte Noire“ од „Jacobs Douwe Egberts“ – договор кој може да и даде на италијанската компанија челна позиција на францускиот пазар, пишува „Bloomberg“.
„Lavazza“ не ја откриваат вредноста на својот предлог, но „Les Echos“ напиша дека компанијата ќе плати најмалку 800 милиони евра.
Основана во 1978-ма година, „Carte Noire“ е најголемиот бренд за кафе во Франција – четвртиот најголем пазар за кафе во светот.
Овој договор ќе ја направи земја вториот најголем пазар за „Lavazza“ по Италија, каде нејзиниот пазарен удел е близу 45%. „Carte Noire“ ужива околу една петтина од продажбата на кафе, направени од француските трговците.
„Сега веројатно е моментот италијанските играчи да направат разумна транзиција од концентрирање на внатрешниот пазар кон меѓународна експанзија. Иако успехот не е загарантиран, тоа е ризик кој треба да го преземат“, тврди Хоуп Ли, аналитичар на „Euromonitor“.
Стекнувањето на „Carte Noire“ ќе и помогне на „Lavazza“ во исполнувањето на нејзината цел да ги прошири своите активности надвор од Италија, изјави главниот извршен директор на компанијата Антонио Баравале.
Инвестициите на „Lavazza“ во кафе вклучуваат удел од 3,1% во „Keurig Green Mountain“.
Понудата до „Carte Noire“ прво треба да биде одобрена од регулаторите.
Коментари