Тренерот на Барселона Луис Енрике им го честиташе пласманот во финалето во ЛШ на своите фудбалери. Барселона, вчера загуби во Минхен со 3:2, но со вкупен резултат 5:3 избори пласман во финалето.
Луис Енрике истакнал дека неговите фудбалери ги посакуваат сите трофеи оваа сезона, а до целта ги дели по една победа во сите три натпреварувања – Примера, Купот на Кралот и ЛШ.
„Задоволен сум од нашето издание и пласманот во финалето. Им честитам на играчите. Кого посакувам во финалето? Ја посакувам екипата која тоа ќе го заслужи на теренот. На Барса и е потребна по една победа во сите три натпреварувања во кои играме за да ги освоиме трите титули. Тоа е нашата мисија“, рекол Енрике.
Барселона во финалето кое се игра во Берлин на 6-ти јуни за противник ќе го има Реал или Јувентус, во финалето на Купот на Кралот противник е Атлетик Билбао, додека во Примера во последните два кола против Атлетико Мадрид (гости) и Ла Коруња (дома) и е потребна една победа за да ја освои титулата.
