„Amazon“ води преговори за продобиването на компанијата за онлајн трговија со луксузни стоки „Net-a-porter“. Ова може да биде најголемиот договор за стекнување на гигантот во електронската трговија, но преговорите се уште се во почетна фаза и може да пропаднат, пишува „Forbes“, повикувајќи се на извор запознаен со предметот.
Потенцијалната зделка, соопштена прво од „Women’s Wear Daily“, може да ја оцени „Net-a-Porter“ под очекуваните 2 милијарди евра, кои модното издание ги посочи, дополнува „Forbes“.
„Amazon“ одамна е заинтересиран за високата мода и договорот со „Net-a-Porter“ би значело нов ангажман на компанијата во оваа сфера, во која таа досега немала силно присуство.
Во 2012-та година, главниот извршен директор на „Amazon“, Џеф Безос изјави за „New York Times“, дека компанијата прави „значителни“ инвестиции во областа на модата, за да ги убеди најдобрите брендови, дека сака да работи со нив, а не против нив.
Во 2014-та година, во медиумите се појави информација дека „Amazon“ води преговори за стекнување на „Jabong.com“ за 1,2 милијарди долари.
„Net-a-Porter“ е во сопственост на групацијата за луксузни стоки „Richemont“, која ја купи лондонската компанија за 392 милиони евра во 2010-та година.
„Amazon.com“, „Net-a-Porter“ и „Richemont“ не биле достапни за да го коментираат случајот.
