Управниот одбор на најголемата европска нискотарифна авиокомпанија, Ryanair донесе одлука за покренување на прекуокеански летови за Соединетите Американски Држави (САД).
Според зборовите на шефот на маркетингот, Кени Јакобс, прекуокеанските летови нема да се продаваат под брендот на „Ryanair“.
Планирано е летовите да повразуваат 12 до 14 европски дестинации со американските градови, како Бостон, Чикаго, Њујорк и Мајами.
Меѓутоа, до првите летови за американските дестинации ќе минат уште неколку години со оглед дека компанијата првин мора да набави авиони за долги линии.
