Дневниот весник „Битолски весник“ ја прогласи „Пелистерка“ за компанија која покажала најголема општествена одговорност во 2014-та година.
„Пелистерка“ во последната година се докажа како фирма која несебично донира и помага внимавајќи на околината во која работи.
Донацијата од 225 000 тони вода за пиење до поплавените региони во Србија, Босна и Херцеговина и Хрватска, донираните медицински апарати во вредност од околу еден милион денари наменети за три клиники во земјава – Универзитетска болница КАРИЛ – Клиника за анестезија, реанимација и интензивно лекување во Скопје, Клиничка болница „Д-р Трифун Пановски“ во Битола и Клиничка болница во Тетово, како и донацијата од 50 тони вода во поплавените делови на источна Македонија.
„Пелистерка“ и во наредниот период ќе продолжи да се грижи да остане општествено одговорна компанија преку донации и помош до сите засегнати страни како кај нас така и на Балканот и со тоа да постави позитивен пример за останатите македонски компании да тргнат по истиот чекор.