Суперхрана е епитет со кој обично ја опишуваме храната која има висока концентрација на витамини и минерали.
Ви претставуваме рецепт за напиток кој е „златен рудник“ за нутриенти кои се потребни да ви ја вратат енергијата, а во себе содржи зеленчук и овошје.
Во суперхраната нутриционистите ги класифицираат брокулата и лимонот кои во комбинација се одлично решение за вашето здравје.
Потребни состојки:
– 2 јаболки златен делишес
– 3 парчиња брокула
– Една шака спанаќ
– ¼ свежа краставица
– ¼ непрскан лимон
– 1 парче целер
– 1 см свеж корен од ѓумбир
– Коцки лед
Подготовка:
1. Откако добро ќе ги измиете состојките, во соковникот прво ставете го излупеното јаболко, а потоа спанаќот, лимонот, ѓумбирот, брокулата, краставицата, целерот и на крајот другото јаболко.
2. На добиениот сок ставете му неколку коцки лед и ставете го во блендер и промешајте.
Овој напиток е најдобро да го консумирате кога се чувствувате омалаксано, кога немате енергија и кога сакате да се разбудите.
Се што треба да знаете за брокулата
Брокулата има супер својства. Имено, овој зеленчук е „златен рудник“ за нутриенти. Брокулата е намирница која дава енергја, и е добра за видот , но има и антиканцерогени својства.
Интересно е тоа што брокулата има состојки кои помагаат при детоксикација на организмот, богата е со фолна киселина и го регулира варењето. Спаѓа во идеалните намирници за слабеење, бидејќи содржи малку калории, а поради големото количество на влакна и вода брзо создава ситост.
