Филијалата на „Фолксваген“, „Сеат“, на почетокот на следната година ќе го напушти рускиот пазар, поради падот на вредноста на рубљата и мрачните економски предвидувања за Русија.
Од 1 јануари 2015 година,„Сеат“ ќе престане со продажба на своите возила во Русија, објави рускиот весник „Комерсант“, повикувајќи се на анонимни извори во шпанскиот „Сеат“, кој е во сопственост на германскиот „Фолксваген“.
„Ваквата одлука е резултат од последиците на севкупната економска ситуација, како и промената на курсот на руската рубља, која од почетокот на оваа година изгуби една четвртина од вредноста во однос на еврото“, пишува рускиот дневен весник.
Руската економија е погодена од западните санкции воведни кон Москва, поради случувањата на истокот од Украина. Како последица на тоа, продажбата на автомобили во Русија е заначително опадната, па така во периодот јули-септември таа на годишно ниво е намалена за над 20 проценти.
Продажбата на „Сеат“, според пишувањето на „Комерсант“, забележала значително голем пад во периодот јануари-октомври за цели 57 проценти во однос на истиот период од минатата година.
