Португалската влада соопшти дека има намера да продаде 66 проценти од капиталот на државната авиокомпанија „TAP Portugal“.
Државата во декември 2012 година се обиде безуспешно да ја продаде авиокомпанијата, пренесуваат агенциите.
„Имаме намера да отстапиме 61 процент од капиталот на компанијата „TAP Portugal“ преку директна продажба на еден или повеќе инвеститори, а пет проценти преку акции“, соопшти португалскиот државен секретар за сообраќај Серџо Монтеиро, по одржаниот министерски совет.
