Вработените на Триглав осигурување се приклучија на националната кампања „Македонија без отпад 2014“. Над 130 луѓе, меѓу кои и волонтерите на Триглав со нивните семејства и пријатели, членовите на планинарскиот клуб „Скопска Црна Гора“ и извидниците на ПСИО и ИПО „Јадран“, го чистеа врвот Рамно на Скопска Црна Гора од каде се собрани 2,5 тони отпад.
Настанот се одржа под мотото: „Да ги исчистиме планините, да создадеме убави спомени, да го собереме ѓубрето“ и се состоеше во расчистување на дивите депонии од пластика, стакло, конзерви и друг отпад. Собраниот смет е транспортиран до соодветна локација за отпад во општина Чучер Сандево.
Годинашната акција беше организирана во рамки на иницијативата „Да ги исчистиме ридовите и планините“ што Групацијата Триглав ја започна во Словенија пред пет години.
Иницијативата, покрај еколошката порака, има за цел да придонесе кон градење на свеста за безбедно и одговорно планинарење. Проектот е составен дел од активностите за демонстрирање на корпоративната општествена одговорност на Групацијата Триглав.