Фудаблерот на Атлетик Билбао, Андерс Ерера стана сопственост на Манчестер Јунајтед, соопшти авторитетниот шпански весник „Marca“.
Играчот потпишал четиригодишен договор со „црвените ѓаволи“, според кој неговата плата ќе биде околу 3 милиони евра по сезона. За 24-годишниот халф, Јунајтед ќе плати 36 милиони евра, колку што е запишано во клаузулата за предвремено раскинување на договорот со тимот од Баскија.
Официјално за трансферот ќе биде соопштено во текот на денешниот ден. Ерера премина во Атлетик во 2011-та година од Сарагоса, а тој за тимот од Билбао запиша 128 натпревари и постигна 11 гола.
Минатата сезона Ерера му помогна на својот тим да финишира на четвртото место во Примера и да освои место во Лигата на Шампионите.
Фудбалерот стана европски шампион со младинскиот тим на Шпанија во 2011-та година и се смета за еден од најдобрите играчи кои се негови врсници.
