Шефот на дизајн во „Fiat“ откри нови детали за моделот „Maserati Alfieri“ кој се очекува да се појави на пазарот во 2016-та или 2017-та година.
Лоренцо Рамациоти рече дека „Maserati Alfieri“ ќе изгледа така што доколку ги ставите концептната и производната верзија една до друга, нема да можете да забележите некаква разлика. Тој додаде дека ова ќе биде вистински спортски автомобил со внатрешен простор каков што имаат „Audi TT“ и „Porsche 911“.
Oд претходно е познато дека „Alfieri“ во понудата ќе се најде во форма на купе и кабриолет со погон на задната или двете осовини. Моќта ќе ја обезбедува од „V6“ мотор со 410, 450 и 520 „коњски сили“.
Овој модел нема да биде замена за „GranTurismo“ со оглед дека „Maserati“ планира редизајниран модел да претстави во 2018-та година. Тој ќе биде поголем и помоќен од „Alfieri“, a ќе користи „V8“ мотор со повеќе од 560 „коњи“.
