Македонските граѓани сметаат дека „Триглав“ нуди најголем квалитет на пазарот на осигурување во однос на осигурителните компании, покажува истражувањето на Qudal QUalits meDAL (Медал за квалитет).
Истражувањето е спроведено од швајцарската организација ICERITAS (Меѓународно здружение за сертификација) gMbh, на 1.200 испитаници во март годинава. Спроведено е преку онлајн прашалник, на македонски граѓани постари од 15 години, соопшти Qudal Qualits meDAL.
Покрај за осигурителни компании, истражувањето е спроведено на повеќе од сто комерцијални и некомерцијални категории во Македонија, како квалитет на млеко, автомобил, домашен пејач… Испитаниците не правеле избор меѓу понудени одговори, туку самите ги пишувале имињата на производителите и давателите на услуги кои според нивното искуство генерално го нудат најдобриот квалитет.
Граѓаните биле прашани кои производи би ги купиле и кои услуги би ги користеле кога би имале неограничен износ пари и кога при одлучувањето и купувањето би се раководеле исклучиво по нивниот квалитет.
