„Големите пет“ европски првенства (Бундеслига, Ла Лига, Лига 1, англиската Премиерлига и Серија А) ги зголемија своите приходи за 5% до 9,8 милијарди евра во 2012/2013 година, што придонесе за зголемување на вкупните приходи на европскиот фудбалски пазар со 2% до 19,9 милијарди евра, се вели во извештајот на „Делоит“.
Англиската Премиерлига повторно се позиционира, и тоа на значителна дистанца пред останатите, како светски лидер со приходи кои пораснаа за 165 милиони фунти (7%) и достигнаа над 2,5 милијарди фунти (2,9 милијарди евра) во 2012/13 година. Над 60% од овој раст е постигнат од двата клуба од Манчестер и од Ливерпул. Обезвреднувањето на британската фунта во однос на еврото ја намалува разликата со најблискиот ривал на Англиската Премиерлига – Бундеслигата, до 928 милиони евра.
Уште една импресивна година на раст за Бундеслигата, која го потврди своето второ место по приходи во Европа, минувајќи ја границата од 2 милијарди евра за прв пат. Вкупните приходи од првенството се зголемуваат за 146 милиони евра (8%) до 2.018 милиони евра во 2012/13, благодарение на успехот на теренот на Баерн Минхен и Борусија Дормунд, на кои се должи 80% од овој раст. Разликата помеѓу Бундеслигата и шпанската Ла Лига се зголеми за 159 милиони евра, а приходот кои достигна 1.859 милијарди евра во 2012/13.
Во спротивност со овој тренд во последниве години, растот од 77 милиони евра не беше реализиран благодарение на „големите два“ тима – Реал Мадрид и Барселона, кои заедно постигнаа скромни зголемување на приходите со само 6 милиони евра. Растот главно се должи на новите и подобрени услови за правата на емитување на дел од клубовите, како и на подоброто претставување на шпанските клубови во Лигата на Шампионите.
Како резултат на своето враќање во Лигата на шампионите, Јувентус се пријави со повеќе од три четвртини од приходите во Серија А во износ од 97-те милиони евра (6%) раст во 2012/13, со што вкупните приходи се зголемија до 1.682 милијарди евра. Италијанските клубови продолжуваат да бидат силно зависни од приходите од емитување кои претставуваат 59% од агрегација од првенствените приходи за 2012/13, со најголем процент меѓу „големите пет“ фудбалски првенства.
Француската Лига 1 демонстрира најбрза стапка на раст во евра – за 14%-тен (161 милиони евра) раст од 1.297 милијарди евра, постигнат целосно од ПСЖ. Додека неговите приходи се зголемија со 178 милиони евра, приходите на останатите 19 клуба од Лига 1 се намалуваат за 17 милиони евра.
„Големите пет“ фудбалски првенства покажаа резервираност во однос на трошоците за плати на играчите во 2012/2013, само 25% од вкупните приходи одат за зголемување на платите. Четири од петте лиги забележуваат задржување или подобрување на односот плати/приходи во 2012/2013 (за разлика од 2011/12), Серија А – 71% (74%); Ла Лига – 56% (59%); Бундеслига – 51% (51% ); Лига 1 – 66% (74%), исклучок прави Англиската Премиерлига, чии трошоци за плати се зголемуваат за 8% до 1.783 милијарди фунти (2,1 милијарди евра). Ова влијае врз односот плати/приходи, која е во износ од 71% – највисоко ниво кое некогаш е достигнато.
Бундеслигата и Англиската Премиерлига беа двете првенства од „големите пет“ кои генерираа оперативна добивка за 2012/2013, а Бундеслигата постави нов рекорд за секое фудбалско првенство, зголемувајќи ја оперативната добивка од 74 милиони евра (39%) на 264 милиони евра. Показателот за оперативна профитабилност на Англиската лигата се намалува за 2 милиони фунти во локална валута или до 82 милиони фунти (96 милиони евра).
Француското и италијанското првенство имаа значително подобрување на показателот на оперативната загуба; Лига 1 ја намали оперативната загуба од 64 милиони евра, речиси достигнувајќи позиција „break-even“, ниту да биде профитабилна, ниту губитничка (3 милиони оперативна загуба), додека подобрувањето во Серија А со 107 милиони евра до (53 милиони евра) стави крај на влошената профитабилност во последните седум фудбалски сезони.
Надвор „Големите пет“ првенства, Русија (896 милиони евра), Турција (551 милиони евра) и Холандија (452 милиони евра) повторно имаат највисоки приходи. Англиската шампионска лига е најпрофитабилната Втора лига, и покрај падот во вкупните приходи до 508 милиони евра во 2012/2013.
