После напорниот и стресен ден, јогата е идеална активност за потполно опуштање бидејќи придонесува за флексибилност на телото.
Меѓутоа, ако сакате да ослабете или да ги затегнете вашите мускули, овој вид на рекреација не може да ви помогне без дополнителни вежби. Во зависност од тоа што сакате да го постигнете, идеално би било јогата да ја практикувате два пати неделно по одприлика еден час, а еднаш неделно да практикувате други спортови кои ќе траат еден час.
Пливањето во комбинација со јога вежби е идеално за постепено слабеење. Ако сакате да се ослободите од вишокот на килограми, неопходно е да се определите за спортска активност која активира поголема група на мускули и троши многу калории. Дали постои нешто што е поефикасно од пливањето? Ако поминете околу еден час во вода, ќе согорите дури 840 калории.
Ролерките се идеални за рамен стомак, кога правилно дишете и изведувате одредени положби во јога, вие на тој начин секако ги зајакнувате абдоменалните мускули. Но, ако сакате максимално да ги затегнете, би требало почесто да возите ролери. Покраj тоа што возењето на ролери е забавно, оваа физичка активност ќе ве принуди за да ја одржите вашата рамнотежа, силно да ги затегнете сите мускули околу стомакот за да ја зачувате правилната положба на телото и да останете стабилни на тркалцата.