Националната авиокомпанија на ОАЕ „Etihad Airways“, ги зголеми своите приходи во првиот квартал од оваа година за 27 проценти на годишно ниво, на 1,4 милијарди долари.
Компанијата соопшти дека приходите од договорите и партнерските компании се зголемени за 23 проценти на 223 милиони долари во првите три месеци од оваа година, во споредба со истиот период минатата година.
Бројот на патници кои патувале со „Etihad Airways“ е зголемен за 14 проценти, односно на 3,2 милиони патници, додека обемот на превезен товар е зголемен за 26 проценти на 127,821 тони.
„Etihad Airways“ започна да работи во 2003 година, а минатата година имаше вкупно 11,5 милиони патници, благодарение на кои оствари приходи од 6,1 милијарди долари.
