Компанијата „Ugur Sahin Design“ го престави својот нов концепт, наречен „Project F“.
Базиран на „Ferrari 458 Italiа“, „Project F“ има многу впечатлив дизајн кој само според неколку елементи е сличен на споменатиот модел.
На возилото напред се наоѓа агресивна предна маска со интегрирани „LED“ дневни светла. На задниот дел од автомобилот може да се забележат големите браници и профил кој потсетува на возилата на „Koenigsegg“.
Меѓу другите впечатливи детали се панорамското ветробранско стакло, „лебдечкиот“ покрив и атрактивната хауба. Тука се и тркалата од алуминиумска легура и агресивниот заден дифузор со интегриран издувен систем со четири цевки.
Засега не е познато дали овој концепт ќе влезе во сериско производство, но сепак останува да се види како на него ќе реагира пошироката публика.