Директорот за продажба и маркетинг на компанијата „Gumpert“, Харалд Шлегел најави дека производната верзија на моделот „Tornante“ ќе се појави во 2015-та година. Овој автомобил како концепт беше претставен во Женева во 2011-та година и беше развиен во соработка со „Carrzzeria Touring Superleggera“.
Според информациите возилото ќе биде базирано на платформата „Apollo“, а се очекува официјално да биде претставено на саемот за автомобили во Женева во 2015-та.
Според изјавите на Харалд Шлегел автомобилот според дизајнот ќе се разликува од концептот. Засега многу малку информации имаме за ова возило, но знаеме дека концептот има „V8“ турбо мотор на компанијата „Audi“ кој испорачува моќ од 690ks, што му овозможува на автомобилот да забрза до 300km/h.
