„Maserati“ во Женева пристигна со новиот концепт кој е заснован на моделот „GranTurismo MC Stradale“, но со скратено меѓуосовинско растојание. Се шпекулира дека овој концепт ќе биде најава на новиот, основен модел во гамата на „Maserati“.
„Maserati Alfieri“ e спортско купе со конфигурација на седишта 2+2 и 24 cm пократко растојание помеѓу осовината во однос на моделот „GranTurismo MC Stradale“.
Автомобилот е долг 4.590 mm, широк 1.930 mm, a висок 1.280 mm. Меѓуосовинското растојание изнесува 2.700 mm. Oпремен е со 20-инчни алуминиумски бандажи напред и 21-инчни позади.
Во „Maserati“ велат дека дизајнот е инспириран од класичните модели на овој производител, како што се „3500 GT“ од 1957-та и „5000 GT“ од 1959-та година.
Позади задните седишта е просторот за багаж и кој е поврзан со кабината, а со кожа покрај седиштата се обложени и делови на вратите, инструмент таблата и централната конзола.
Делови од воланот, рачката на менувачот и ножните педали се изработени од алуминиум.
Покрај дигиталната инструмент табла, на врвот на централната конзола се наоѓа уште еден дисплеј кој е во функција на мултимедијалниот систем.
Моторот е 4.7-литарски V8 со 466 ks (343 kW), кој развива 7.000 o/min и максималнен вртежен момент од 520 Nm, достапен веќе при 4.750 вртежи.
Моќта се пренесува на тркалата со помош на шестстепен автоматски „MC Shift“ менувач и диференцијал со ограничено пролизгување. За безбедно сопирање задолжени се сопирачките со керамички дискови кои се превземени од „GranTurismo MC Stradale“.
