Започна големата операција за обновување на договорите на клучните играчи во редовите на шампионот и лидер во Серија А, Јувентус.
Спортскиот директор Бепе Марота започна серија средби со играчите чии договори наскоро истекуваат. Приоритет пред него е продолжување на престојот на славниот ветеран, Андреа Пирло, чиј договор истекува во летото. Тој веќе има принципиелен договор за нови две сезони, а неговата плата ќе биде зголемена на околу 4 милиони евра годишно.
Целата е носителите на одбраната на „бјанконерите“ исто така да добијат нови договори. Се очекува Андреа Бардзали, Џорџо Киелини и Стефан Лихтштајнер да предодпишат исто така за нови две сезони. Размислува и за нов предлог за Себастијан Џовинко.
Откако ќе ги заврши овие задачи, Марота ќе се насочи кон најважното. А тоа е, задржувањето на француската ѕвезда Пол Погба, како и тренерот Антонио Конте.
