Нов „бизнис агент“, претставен на конференцијата „Conversations“ во Лондон, им овозможува на компаниите да ги автоматизираат секојдневните активности како што се комуникација со клиенти, закажување состаноци, обработка на нарачки и продажба преку „WhatsApp“, „Messenger“ и „Instagram“.
„Meta“ изјави дека повеќе од милион компании веќе користат претходни верзии на неговите деловни чет-ботови со вештачка интелигенција, додека новата генерација алатки ќе им биде достапна на бизниси од сите големини низ целиот свет.
Според компанијата, бизнис агентот може да одговара на барања на корисниците, да дава информации за производи и услуги, да идентификува потенцијални клиенти и да препраќа посложени барања до вработените.
Во исто време, беше претставена нова платформа што им овозможува на компаниите да развиваат свои сопствени агенти со вештачка интелигенција и да ги поврзуваат со други деловни системи, вклучувајќи платформи за е-трговија и услуги на клиентите.
