„Warner Bros. Discovery“ објави дека се дели на две јавни компании, одвојувајќи го својот стриминг бизнис и студија од своите телевизиски мрежни операции. Планот е тоа да се стори до средината на следната година, објави „Bloomberg“.
Стриминг и студиската компанија, која ги вклучува „Warner Bros. Television“, „Warner Bros. Motion Picture Group“, „DC Studios“, „HBO“ и „HBO Max“, како и нејзините филмски и ТВ каталози, ќе ја води извршниот директор Дејвид Заслав.
Главниот финансиски директор Гунар Виденфелс ќе ја води новата компанија, „Global Networks“, која ќе вклучува забавни, спортски и информативни телевизиски брендови, вклучувајќи го и „CNN“.
Одделно, „Warner Bros“ ќе земе заем од 17,5 милијарди долари, кој се очекува да биде рекапитализиран пред одвојувањето.
„Warner Bros“ неодамна заврши со реструктуирање на двете дивизии за да го искористи преминот на потрошувачите од традиционалната платена телевизија кон нови онлајн опции.
Овој потег ефикасно ги поништува голем дел од напорите за спојување на „Warner Media“ и „Discovery Communications“, што требаше да се случи во 2022-ра година, објави „The Wall Street Journal“.
„Warner“, како и другите компании за забава, вклучувајќи ги „Disney“ и „Paramount Global“, забележа пад на рејтинзите и приходите од својата некогаш моќна кабелска мрежа, бидејќи потрошувачите се префрлаат на стриминг услугите.
„Warner“ им кажа на инвеститорите кон крајот на минатата година дека планира да се реструктуира во две дивизии. Денес, соопшти дека одвојувањето ќе ослободи поголема вредност за акционерите и ќе им даде на секоја компанија поголема флексибилност во брзо менувачкиот медиумски пејзаж.
