Ја oтворете апликацијата за временска прогноза и гледате те дека пишува 40% веројатност за дожд. Дали тоа значи дека ќе врне 40% од времето, на 40% од територијата, или има 40% шанса воопшто да врне?
Објава на социјалната мрежа Reddit предизвика дебата што потресе сè што мислиме дека го знаеме за апликацијата за временска прогноза.
„Ако метеорологот е 80% сигурен дека ќе врне дожд, но очекува дека ќе покрие само 50% од прогнозирана област, тогаш прогнозата би покажала 40% шанса за дожд за која било дадена локација“, се вели во објавата.
„Ако метеорологот очекува широко распространета област на врнежи со 100% покриеност, но е само 40% сигурен дека ќе стигнат до прогнозирана област, тоа исто така би резултирало со 40% шанса за дожд на која било дадена локација во прогнозирана област“, додава корисникот Wonderscout1.
Ако порано бевте збунети, сега веројатно сте уште повеќе. За среќа, имаше и такви што дадоа дополнителни објаснувања.
„Процентот ја означува веројатноста дека ќе врне дожд на локација во поширока област. Веројатноста за дожд во целата област се множи со процентот на областа што ќе биде погодена од дожд“, гласи едно од објаснувањата.
„Кога ќе видите 40% врнежи од дожд, тоа значи дека има 40% шанса да врне дожд токму таму каде што сте“, напиша друг коментатор.
Кој е во право?
Процентот прикажан во апликациите за временска прогноза значи веројатноста дека ќе падне дожд на одредено место во одреден временски интервал – обично еден час. Значи, ако пишува „40% шанса за дожд“, тоа се однесува на локација во рок од еден час.
Сè што кажаа коментаторите на Reddit е поткрепено со претходни методи што ги користеле метеоролозите. Сепак, денешните апликации користат машинско учење и вештачка интелигенција, па затоа прогнозите обично се однесуваат на точното место каде што се наоѓате.
Значи, ако видите „40%“ покрај иконата дождлив облак во апликацијата Apple Weather, тоа значи дека ќе има 40% шанса за дожд, на вашата локација, во одреден временски интервал (да речеме помеѓу 12 и 13 часот).
I’ve learned what 40% chance of rain means
byu/wonderscout1 inapple
