„ByteDance“ планира да ги откупи акциите на вработените во вредност од околу 312 милијарди долари, значително повисоки од претходните нивоа, што ја одразува подобрата перспектива за кинеските технолошки акции, пишува „Bloomberg“.
Сопственикот на „TikTok“ им нуди на своите американски вработени околу 189,90 долари по акција, рече извор запознаен со ова прашање. За споредба, пред само шест месеци понудата на компанијата беше за 181 долар, додаде изворот, кој побара да остане анонимен.
Инвеститорите се фокусираа на „ByteDance“ во последниве месеци и покрај наредбата од САД со која се бара да ги продаде своите американски средства или да го блокира „TikTok“. Во 2025-та инвеститорите покажуваат особен интерес за кинеските технолошки акции откако „DeepSeek“ имаше неверојатно глобално деби и принуди повторно да го процени технолошкиот сектор на азиската земја.
Кинескиот претседател Си Џинпинг минатиот месец го даде своето јавно одобрение за технолошките фирми, што исто така влијаеше на изгледите за владина поддршка за индустријата, која се смета за клучна за решавање на економските проблеми и за постигнување независност од американската технологија.
Најмалку тројца од главните инвеститори на „ByteDance“ – „SoftBank Group“, „Fidelity Investments“ и „T. Rowe Price Group“ – ги зголемија своите интерни проценки за компанијата на над 400 милијарди долари. Претставниците на „ByteDance“ не одговорија на е-пошта со барање коментар за инцидентот.
За време на годишниот откуп на акциите на „ByteDance“ минатата година, понудената цена беше скоро 180 долари по акција, што претставува околу 300 милијарди долари вредноста, објави „Bloomberg News“. Ова е зголемување од проценката од 268 милијарди долари применети за откуп во 2023-та година.
Додека многу инвеститори остануваат фокусирани на геополитичките ризици со кои се соочува американскиот бизнис на „TikTok“, други земаат предвид колку е силен „ByteDance“ во просторот на вештачката интелигенција. Нејзиниот четбот „Doubao“ има 75 милиони редовни активни корисници, додека компанијата рекламира нов модел со вештачка интелигенција кој е 85% поевтин од просечната цена во индустријата.
